ايفون 14 و ايفون 15 و ايفون 16 أهم الفروقات والتوقعات

 

احتاج جوال جديدة

 

معاك ايفون قديم و ودك تجيب جديد بس ما تحس الفرق يستاهل؟ أو فعلياً ماتدري وش الفرق؟ بين آيفون هذي السنة وآيفون السنة الماضية؟ ولا تسمع هذاك اللي يقول اصبر باقي كم شهر على الآيفون الجديد.

 

أحياناً تكون احتياجك يفرق عن شخص يبغى كل جديد أو شخص محب لتقنية ويفرق معاه كل صغيرة وكبيرة.

 

إذا شفت مواصفات كل جهاز وفرق السعر بتعرف وش اللي تحتاجه بالضبط. ممكن ماتحتاج تدفع مبلغ آيفون جديد إذا كل المواصفات اللي تبيها بآيفون السنة الماضية. 

 

طيب قبل لا ننتقل بالمواصفات خلونا نشوف أنواع الآيفون المتوفرة حالياً واللي بتتوفر للآيفون 16 في نهاية السنة الحالية للي من زمان ما اشترى آيفون ويحتاج تذكير.

 

كل آيفون جديد يتوفر بأربع أنواع تختار منها بالحجم والمواصفات وهذي الفروقات اللي تعتبر مقاييس لكل آيفون قادم. خلونا ناخذ آيفون 14 كـ مثال يتوفر بهذا الشكل. 

 

 

آيفون 14: بشاشة مقاس 6.1 بوصة (النسخة الأصغر) و كاميرتين ومعالج السنة الماضية. 

 

آيفون 14 بلس: نفس مواصفات آيفون 14 بالضبط لكن بشاشة مقاسها 6.7 بوصة وبطارية أكبر.

 

آيفون 14 برو: مثل أي منتج برو من أبل يكون بمواصفات أعلى 3 كاميرات وتصوير أقوى ومعالج أقوى للألعاب مثلاً. 

 

آيفون 14 برو ماكس: مثل آيفون 14 برو لكن بشاشة 6.7 بوصة و بطارية أكبر. 

 

باختصار موديلات بلس و ماكس هي نفسها العادية لكن بشاشة أكبر وبطارية أكبر. 

 

 

 

آيفون 14 و آيفون 15 فرق بسيط

 

التصميم والشكل الخارجي

 

بالنظرة الأولى آيفون 14 و آيفون 15 نفس الشكل ونفس التصميم بشكلة المربع دائري الأطراف وكاميرات بارزة من الخلف بشاشة عالية الوضوح XDR و مقاس 6.1 بوصة للآيفون العادي و 6.7 بوصة للآيفون الكبير سواء كانت بلس ولا برو ماكس. 

 

الفروقات الرئيسية

 

بالشاشة و المادة المصنوع منها و المعالج و الكاميرات. 

 

آيفون 14:

شاشة بمقاس 6.1  بوصة عالية الوضوح XDR .

 

خلفيته مصنوعه من المنيوم بغطاء زجاجي.

 

معالج برقاقة A15 ووحدة معالجة مركزية سداسية أما وحدة معالجة الرسومات فهي خماسية. 

 

مع كاميرتين الأولى تصور بـ 12MP والثانية عدسة واسعة (الزومات 1x و 0.5x).

 

 

آيفون 15:

شاشة بمقاس 6.1 بوصة عالية الوضوح XDR

 

خلفيته مصنوعة أيضاً المنيوم بغطاء زجاجي ملون.

 

مع داينامك آيلاند بخصائصها المعروفة من آيفون 14 برو بأعلى الشاشة.

 

 مدخل شاحن USB -C من كل الجهتين وأخيراً يعني تشحنه مع أي جهاز عندك مايتطلب سلك آيفون لايتنينق. 

 

معالج برقاقة A16 ووحدة معالجة مركزية سداسية أما وحدة معالجة الرسومات فهي خماسية. 

 

مع كاميرتين الأولى بتصور بـ 48MP صور بجودة عالية جداً 24MP و 48MP والكاميرا الثانية بعدسة واسعة (الزومات 2x و 1x و 0.5x)

 

 

آيفون 14 برو:

شاشة 6.1 بوصة XDR عالية الوضوح بخاصية Promotion و Always On Display

 

مصنوع من ستيل مقاوم للصدأ بخلفية زجاجية مطفية

 

معالج برقاقة A16 ووحدة معالجة مركزية سداسية أما وحدة معالجة الرسومات فهي خماسية

 

مع داينامك آيلاند بخصائصها الجديدة بأعلى الشاشة.

 

مع 3 كاميرات الكاميرا الرئيسية تصور بـ 48MP صور بجودة عالية جداً والكاميرا الثانية بعدسة واسعة والكاميرا الثالثة بعدسة تصوير البعد البؤري وهي عدسة تصوير مقربة (الزومات 0.5x و 1x و 2x و 3x).

 

 

 آيفون 15 برو 

شاشة 6.1 بوصة XDR عالية الوضوح بخاصية Promotion و Always On Display

 

مصنوع من التايتينوم المطفي ضد الأنعكاس.

 

 مدخل شاحن USB -C من كل الجهتين يدعم USB 3 بسرعة نقل للمعلومات تصل إلى 20x  

 

مع زر جديد بمسمى زر الأكشن (الأوامر) بمكان زر التحكم بالصوت (صامت\عام) ويمكن تغيير مهام الزر.

 

مع داينامك آيلاند بخصائصها المعروفة من الطراز السابق بأعلى الشاشة.

 

معالج برقاقة جديدة A17 برو أسرع وتتميز بدعم الألعاب الثقيلة ووحدة معالجة مركزية سداسية أما وحدة معالجة الرسومات فهي خماسية.

 

مع 3 كاميرات,  الكاميرا الرئيسية تصور بـ 48MP و 24MP صور بجودة عالية جداً والكاميرا الثانية بعدسة واسعة والكاميرا الثالثة بعدسة تصوير البعد البؤري وهي عدسة تصوير مقربة (الزومات 0.5x و 1x و 2x و 3x).

 

 

آيفون 14 برو ماكس 

مطابق لمواصفات آيفون 14 برو 

ماعدا البطارية بفرق 1,123 mAh أكثر من آيفون 14 برو. 

 

 

           آيفون 15 برو ماكس 

مطابق لمواصفات آيفون 15 برو 

ماعدا البطارية بفرق 1167 mAh أكثر من آيفون 15 برو

 

 

 

مواصفات آيفون 16 المتوقعة والمؤكدة

كالعادة مواصفات جوال آيفون الجديد يأخذ مواصفات الجيل السابق برو يعني مواصفات آيفون 16 بتكون مطابقة لآيفون 15 برو بما فيها زر الأكشن الجديد وسلك الشاحن UBC C و رقاقة المعالج الجديدة وخامة التايتينوم.

باستثناء الـ 3 كاميرات الخاصة بـ خط برو. 

 

الفرق والحماس هي مواصفات آيفون 16 برو واللي المسربين عطونا بعضها وماعندنا إلا مؤتمر أبل في سبتمبر القادم عشان يأكدها لنا وهي كاميرا تصوير البعد البؤري بفرق حساس 1\2.6 إنش وحساس العدسة الرئيسية بيكون 1\1.4 إنش واللي كان 1\1.28 إنش.

 

رقاقة المعالج القادم لجهاز آيفون 16 برو بتكون رقاقة A18 Pro وبتكون أسرع وأقوى من رقاقات أندرويد سناب دراقون 8 برقاقة 3.

 

أما بالنسبة للوظائف بتنزل مع نظام السوفت وير الجديد iOS18 بتكون مرتبطة بالذكاء الاصطناعي أكثر.

 

وبينزل تحديث جديد لـ المساعد الصوتي سيري.  

الشائعات اشتهرت أيضاً عن أن أبل في محادثات مع قوقل لشراء Gemini الذكاء الاصطناعي اللي تكلمت عنه قوقل.

 

وحتى أن تطبيقات أبل الأساسية من الموسيقى و Pages و Keynotes بتكون فيها وظائف تخدمك من الذكاء الاصطناعي. 

الشائعة الأهم وهي Wifi 7 إذا ماسمعت فيها من قبل ما نقدر نلومك لأن التقنية مازالت جديدة ومستخدمه في راوترات الانترنت عادةً لكن الجوالات دخلن فيه من موديلات السنة الماضية.

 

والمتوقع إن آيفون 16 برو بيكون فيه هذي التقنية اللي ترفع من جودة نقل الأنترنت. 

 

جودة الكاميرا في الجيل الجديد 16 أكيد بتكون أعلى من هواتف آيفون 15 مثل جميع الأجيال السابقة فإذا تهمك لازم تنتظر آيفون 16 برو.

 

إيضاً فيه إشاعات إن خط الـ برو من آيفون 16 بيكون أكبر من حيث الحجم والشاشة وبيكون أول تغيير حجم من سنوات. 

 

وأخيراً المتعارف عليه كل سنة هو تحسين جودة البطارية ورفع قوتها خصوصاً لموديلات ماكس. 

 

 

القرار 

 

القرار يرجع لك بتوفر الجوال اللي يناسب احتياجك إذا تهمك الميزانية حلو تركز على جوالات الطراز الماضي آيفون 14 مع العروض.

 

لكن إذا يهمك التقنية والتوجة الجديد خذلك آيفون 15 برو بس إذا تعني لك الفروقات التقنية البسيطة وأنت من محبين آيفون أكيد بتنتظر آيفون 16.

 

الإشاعات اللي ذكرناها بخصوص آيفون 16 هي الأكثر تداول بين المواقع وماذكرنا إلا اللي شبه مؤكد. بس التأكيد جاينا بالخريف القادم 2024.