بلايستيشن بورتال مزايا وعيوب

في عالم التقنية وفي عالم القيمنق خصوصاً الأجهزة المحمولة صارت جزء لا يتجزأ من تجربة القيمر.

 

أغلبنا عنده جهاز محمول واحد على الأقل مو لأنها قوية بس لأن التنقل بها سهل ومايتطلب شاشة.

 

اغلب الأجهزة المحمولة تقدم لك كونسل أو بي سي على جهاز محمول بحجم رائع ومع شاشة. والمنافسة صارت قوية والأسعار مرتفعة, بس سوني غيرت الخطة بتوجه مختلف. 

 

سحر اللعب بالبث: بلايستيشن بورتال

بلايستيشن بورتال هو جهاز ألعاب محمول من سوني بتقنية اللعب عن بعد. عندك بلايستيشن 5؟ بلايستيشن بورتال يخليك تلعبه من أي مكان. يحل لك مشكلة متى بكمل اللعبة اللي بديتها؟

 

حتى نهاية الأسبوع لازم اطلع. بلايستيشن خلتك تقدر تطلع بالبلايستيشن وتلعب بأي مكان. بالشغل, بالمطعم, ببيت أصدقاك, بجمعة العائلة وبكل مكان. 

 

الطريقة: كيف ألعب و من وين اجيب له ألعاب؟ 

 

لأن بلايستيشن بورتال جهاز بث ألعاب فـ سعر الجهاز هو أول و آخر شيء بتدفعه على بلايستيشن بورتال. مكتبتك في بلايستيشن كلها تنتقل بعد ربط بورتال على بلايستيشن 5 ثم ربطه بالانترنت. وبكذا بتقدر تلعب تكمل ألعابك وتلعب من أي مكان. 

 

نعم هذي خطوة جريئة من سوني بأنها تنزل جهاز يعتمد على جهاز آخر بدل ماتنزل جهاز محمول بنظامه الخاص نزلت جهاز محمول بلايستيشن 5. بس لو فكرت فيها لو عندك بلايستيشن 5 أصلاً بيكون بورتال جهاز قيمنق محمول بنص قيمة الأجهزة الحالية. 

 

مميزاته 

 

أولاً: العب عن بعد كل العابك المفضلة في بلايستيشن, جلسة مطعم أو كافيه مع دارك سولز ولا ايلدن رينق على شاشة 8 أنش LCD بقمة الجمال ويد بلايستيشن 5 دوال سينس على مقسومه بالنص على أطراف الشاشة استخدام مريح وشاشة جميلة. 

 

ثانياً: نظام التحكم في بلايستشن بورتال هو عن طريق يد تحكم دوال سينس المرتبطة من الجهتين بالشاشة؟ ومارح تحس بالفرق بين يد تحكم بلايستيشن 5 وكأنك فعلاً مسكت اللعبة اللي تركتها. إذا تهمك الراحة والتعود. 

 

ثالثاً: السؤال اللي على بالك هو هل بيكون الاتصال بنفس شبكة الانترنت اللي عليها بلايستيشن 5 مطلوب؟ الجواب هو تقدر تلعب من الدوام أو مطعم أو أي مكان وبلايستيشن 5 حقك بالبيت على انترنت البيت. لكن المهم أن يكون عندك انترنت ثابت وقوي إذا بدأ انترنتك يتذبذب بيبدأ لعبك يقطع. 

 

 

 

المقارنة والمنافسة 

باك بون 

بما إنه لعب عن بعد. ليش ماتشتري جهاز باك بون وتركبه على جوالك وتلعب عن بعد بتطبيق Remote Play وحتى عندك ألعاب الجوال وتحكم كنترولر عادي وبنص السعر؟ بلايستيشن بورتال هو اكسسوار بشاشة قوية وكنترولر أقوى والحل إنه ببطارية منفصلة عن جوالك تغنيك عن الجوال وحرارته وباختصار جهاز أقوى بالبث من الجوال بالألعاب. 

 

ستيم ديك 

إذا تدور جهاز ألعاب محمول بنظام منفصل تحمل الألعاب على الجهاز نفسه وتلعب فيها بدل مايكون مجرد بث.

 

من أقوى الأجهزة بالسوق على نظام بي سي ومتجر ستيم تشتري له ألعاب وله ذاكرته الخاصة وآدائه الخاص. إذا كنت تبحث عن بي سي محمول بيدك أو ستيم ديك تقدر تشتريه من هنا

 

فرق السعر 

بلايستيشن بورتال سعره 950 ريال حالياً أغلى من قطعة باك بون بـ 450 ريال لكن تذكر باك بون مجرد يد تحكم على جوالك بدون شاشة ولا غيره.

 

بالنسبة لأجهزة البي سي المحمولة مثل ستيم ديك و روغ آلي من أسوس تبدأ من 2000 ريال وبعضها يصل إلى 3000. 

 

كيف توصل لقرار

الاختيار في هذي جداً سهل. إذا عندك بلايستيشن 5 وتشوف نفسك ماتجلس كثير بالبيت بلايستيشن بورتال مصمم لك عشان تلعب من أي مكان وبدون ما تضطر تختار بين الطلعات ولا القيمز وماتدفع وتشتري ألعاب جديدة له.

 

لكن إذا تبحث عن جهاز قيمنق تحمل فيه ألعابك ويكون بي سيك الثاني وماتحتاج له أي شيء مساعد اختار ستيم ديك أو روغ آلي.