وش الفرق بين 4K و 8K في التلفزيون والشاشة

في عالم تسيطر عليه الجوالات والأجهزة اللوحية, شاشات التلفزيون ودقتها والاستمتاع بها صار له جو خاص وسواءً كنت محب للتقنية أو بتشتري شاشة العمر. كلنا عارفين أن التلفزيونات لها مواصفاتها وقيمتها مرتفعة وتقدم لك خصائص هائلة, بس قبل ما تبحث عن شاشة سوني ولا تلفزيون سامسونج لازم تركز بالمواصفات. وأهمها دقة الـ 4K والجيل الحالي تقدم أيضاً 8K. كيف تعرف وش الفرق وكيف تستخدمها ووش يتطلب وعمر التقنية. لأنك بتدفع مبلغ وقدره لازم تعرف أهم مميزات شاشتك. 

 

 

وش الفرق في 4K و 8K

تلفزيونات 4K

 

قوة ومعدل البكسل: تقنية 4K المعروفة بـ UHD (وهي اختصار لـ : أعلى دقة فائقة). ومعدل البكسل فيها 3840x2160 وهذا المعدل أعلى بأربع أضعاف من دقة Full HD والنتيجة هي صورة أحد وأدق وأكثر تفاصيل ولهذا سموها 4K.

الوضوح المذهل: لما تستخدم تقنية 4K بتلاحظ الفرق بسطوع الألوان والتباين بشكل جذري وكبير كأنك تشوف محتواك بالواقع مقارنة بشاشات الـ Full HD و LCD.

توافق المحتوى: في الوقت الحالي صار شبه مستحيل تلقى مسلسل أو فيلم أو برنامج ما يوفر جودة 4K حتى بثوث قيمرك المفضل على تويتش ويوتيوب تقدر تلقاها بجودة 4K. لأن الجودة توفرت بكل مكان. صحيح ماتحتاجها بالجوال لكن أغلب الشاشات الآن توفر دقة 4K.

مثاليتها: ولأن حجم الشاشة يؤثر على الجودة وكل ما كبر حجم الشاشة كل ما احتاجت أرقام بيكسل كبيرة عشان تستمتع بجودة 4K لازم تكون شاشتك بحجم 55 بوصة إلى 75 بوصة عشان تستمتع بكل بكسل. 

 

تلفزيونات 8K 

 

فيضان البكسل: استجمع كل طاقتك وركز في هالمعلومة. عدد البكسلات في شاشة بتقنية 8K هي 7680x4320. أيه نعم, أربع أضعاف بكسل 4K. لأن كل مازاد البكسل زادت الجودة وكل ماقل ساءت الجودة.

الدقة الواقعية: تخيل أنك تشوف الطبيعة من شباك هذا هو شعور أنك تشوف طبيعة بشاشة 8K. واقعية عالية جداً وتفاصيل وعمق أكثر.

مهمة المحتوى: إلى هنا وأنت تفكر بالواقعية وكيف إنك بتستمتع فيها لكن مهمة البحث عن محتوى بدقة 8K صعبة شوي. التقنية ظهرت من سنوات لكن يبدو أن الأغلب مكتفي بالـ 4K. وبسبب الحجم الكبير للـ 8K اللي الأغلب مايبي يصور فيه عشان مايضطر يرفعه للانترنت. المحتوى موجود حتى على يوتيوب لكن قليل. لكن المستقبل أفضل.

الحجم الكبير: تذكر سالفة أن الـ 4K مايبين بالجوال؟ هذا لأن الشاشات الصغيرة ماتحتاج بكسلات عالية. كل ما كبرت الشاشة تمددت الصورة وصارت الجودة أضعف. فإذا كنت من محبين الشاشات الكبيرة فوق 75 بوصة فاختيار 8K يناسبك. 

 

 

وش يهمك لما تجي تشتري؟

4K: جودة رائعة كل يوم

 

سعر حلو: مثل أي تقنية أول ماتنزل تكون غالية لكن اذا توفرت من شركات مختلفة وزاد توفرها بالسوق صار سعرها مناسب لأغلب الميزانيات. 

بحر من المحتوى: كل فيلم ومسلسل على أي منصة مثل نتفلكس و OSN وغيرها متوفر بجودة 4K حتى يوتيوبرك المفضل و بثوث تويتش متوفرة بجودة 4K وهذا يخليك تتشجع تشتري شاشة 4K إذا ما كانت عندك. 

جنة الألعاب: أكيد تعرف إن كل ألعاب التختيم من نوع AAA من أي استوديو وناشر الحين ومن 5 سنين على الأقل كانت تنزل بجودة 4K و أي قيمر يعرف كيف العوالم حقة ألعاب AAA كيف مليئة بالتفاصيل وتستحق جودة مو أقل من 4K لأن اللعب بجودة عالية متعة من نوع آخر. 

مستقبلية مريحة: لأن تقنية 4K صارت معيار للجودة بكل المقاييس المرئية تعرف أن مستقبل شاشتك مارح يكون شيء قديم ورديء مع الوقت. بالعكس مع المحتوى الهائل المتوفر بتقنية 4K تقدر تشتري الشاشة وأنت مرتاح. 

 

8K: قمة الدقة

 

نقاوة الجمال المرئي: مافيه مقارنة بين أي شاشة وشاشة تقدم لك تقنية 8K لأن باختصار 8K هي قمة التقنية الحديثة ومشاهدة وثائقيات الطبيعة والحيوانات كأنك تشاهد الواقع بعيونك وأجمل.

لك وللزمن: تقنية 8K تعتبر هي المستقبل يعني لو اشتريت شاشة اليوم وعاشت معاك 10 وأكثر بتظل وحدة من أفضل الشاشات حتى بعد 10 سنين. 

ديكور مذهل: لو عندك مساحة كبيرة بأي غرفة و ودك تخليها ملفتة وجذابة تحط فيها شاشة 8K كبيرة وتصير لك شباك على أي منظر تحبه بأي وقته وللأبد. 

محبين التقنية: تبنى التقنية الجديدة كأي مُحب للتقنية شاشات 8K فيها نظر للمستقبل وتقنيات المستقبل. 

 

القرار النهائي

 

بالمقارنات بين 8K و 4K مافيه فائز واضح. لأن حسب احتياجك كل تلفزيون أو شاشة ممكن تكون أفضل يعني لو ميزانيتك محدودة توجهك بيكون 4K لكن إذا تحب الجودة العالية وتفرق معاك وتركز فيها توجهك بيكون 8K. المهم أن كل وحدة من هذي التقنيات بتعطيك جودة لا يستهان بها. يعني بالمقارنة هذي مافيه اختيار سيئ. كلها خيارات رائعة لكن الفرق بينها يعتمد على وش ناقصك ووش تحتاج.